Taorian’ireo fanontàna ny Tetibola ho an’ny Daholobe sy ny Tatitry ny fampiasam-bolam-panjakana ho an’ny Daholobe, ny Ministeran’ny Vola sy ny Tetibola dia manohy ireo ezaka fanamafsana ny governemanta tsara tantana amin’ny alalan’ny fampiroboroboana ny fangaraharan’ny tetibola sy ny tamberin’andraikitra. Mifandraika amin’izany, natao ny fandrafetana ny edisiona vaovao ho an’ny Daholobe miompana amin’ny Lalàna fandravonana ny ftantanam-bolam-panjakana ho an’ny taona 2015.

Ity boky navoaka voalohany ity, izay antsoina hoe « Tatitry ny vokatry ny taona ho an’ny Daholobe » dia natao indrindra hanehoana ny tatitra tamin’ny nampiasana ny volam-bahoaka ary mba ahafahana manatsara ny fandaharana ny tetibola amin’ny ho avy. Araka izany, natao ity boky ity ho ftaovana entina hanarahamaso sy hanombatombanana ireo politikam-panjakana notanterahin’ny fanjakana.

Noho izany indrindra, hahely mba hahasarika sehatra sy olona mpamaky maro ity Tatitra ho an’ny Daholobe ity, toy ireo mpanao gazety, ireo sehatry ny farahamonim-pirenena, ireo sekoly ambaratonga ambony, ireo sehatra tsy miankina, ireo fkambanana miankina sy tsy miankina amin’ny fanjakana, ireo mpiara-miombon’antoka ara-teknika sy ara-bola, ireo distrika sy faritra, ireo vondrom-bahoaka itsinjaram-pahefana, …

Ny Foibem-pitondrana ankapoben’ny Tetibola ary dia mamporisika indrindra ny tsirairay avy amin’ny fanapariahana amin’ny sehatra mivelatra kokoa ity boky ity